नेपाल अनलाइन पत्रिका। गोरखाको धार्चे गाउँपालिका-५, रेसेफाँटमा आइतबार राति डाँडाबाट खसेको लेदोसहितको पहिरोले स्थानीय जीतबहादुर गुरुङको कृषि फार्म र एक घर बगाएको थियो।
यस पहिरोमा जीतबहादुर गुरुङसहित ३५ वर्षीया कान्छी गुरुङ, ६० वर्षीय सुलाल कान्छा गुरुङ, ३३ वर्षीय रमेश गुरुङ र २४ वर्षीय रमेश परियार बेपत्ता भएका थिए।
घटनापछि नेपाल प्रहरी, नेपाली सेना, सशस्त्र प्रहरी बल र स्थानीयवासीले पहिरोमा पुरिएका व्यक्तिहरूको खोजी कार्य प्रारम्भ गरेका थिए।
खोजीकार्यको क्रममा चार जनाको शव फेला परेको छ भने एक जना अझै बेपत्ता रहेको प्रहरीले जनाएको छ। बेपत्ता व्यक्तिको खोजी कार्य निरन्तर जारी राखिएको छ।