सञ्चार तथा सूचना प्रविधिमन्त्री रेखा शर्माले सरकारले सञ्चार क्षेत्रलाई व्यवस्थित बनाउन सूचना प्रविधि दशक अभियान सञ्चालन गर्ने बताएकी छन् ।
सरकारले कार्यदल गठन गरी सूचना प्रविधि क्षेत्रलाई व्यवस्थित बनाउन दश वर्षे गुरुयोजना निर्माणको गृहकार्यमा अघि बढेको समेत बताइन् ।
प्रेस सेन्टर कैलालीले शनिबार धनगढीमा आयोजना गरेको पत्रकार सम्मेलनमा बोल्दै सूचना तथा सञ्चार प्रविधि मन्त्री रेखा शर्माले सूचना प्रविधि दशक अभियानले निजी क्षेत्रलाई उत्साहित बनाएको बताइन्। मन्त्री शर्माले सूचना प्रविधिलाई व्यवस्थित बनाउन सकिने विश्वास पनि व्यक्त गरिन्।
उक्त सम्मेलनमा मन्त्री शर्माले सूचना प्रविधि क्षेत्रको विकासले देशको समग्र आर्थिक वृद्धि र नागरिकको जीवनस्तर सुधारमा महत्त्वपूर्ण भूमिका खेल्न सक्ने धारणा राखिन्।
उनले भनिन्, “सूचना प्रविधि दशक अभियानले निजी क्षेत्रलाई समेत प्रोत्साहित गरेको छ, जसका कारण विभिन्न व्यवसायिक र औद्योगिक क्षेत्रले प्रविधिको प्रभावकारी प्रयोग गरी आफ्नो सेवा र उत्पादनलाई अझ राम्रो बनाउन सकिरहेका छन्।”
मन्त्री शर्माले सूचना प्रविधि क्षेत्रको १० वर्षे गुरुयोजना मार्फत डिजिटल नेपाल फ्रेमवर्कको कार्यान्वयन, ई-गभर्नन्सको प्रवर्द्धन, र डिजिटल साक्षरता अभिवृद्धि लगायतका कार्यक्रमहरुको माध्यमबाट सूचना प्रविधिको पहुँचलाई सबै क्षेत्रमा पुर्याउने प्रतिबद्धता व्यक्त गरिन्।