कास्की, मंसिर ९ – राष्ट्रिय स्वतन्त्र पार्टी (रास्वपा) का सभापति रवि लामिछानेलाई कास्की जिल्ला अदालतले १५ दिन थप हिरासतमा राख्न अनुमति दिएको छ। अदालतका न्यायाधीश हिमलाल बेल्बासेले प्रहरीले थप अनुसन्धान गर्नका लागि उनलाई थप समय हिरासतमा राख्ने आदेश जारी गरेका हुन्।
यसअघि, २५ कात्तिकमा प्रहरीलाई १३ दिन हिरासतमा राखेर अनुसन्धान गर्ने अनुमति दिइएको थियो।
लामिछानेलाई पोखरामा रहेको सूर्यदर्शन सहकारीको रकम गोरखा मिडिया नेटवर्कमा लगेर अपचलन गरेको आरोपमा कास्की प्रहरी अनुसन्धान गर्दैछ।