काठमाडौं, मंसिर ९ – प्रधानमन्त्री केपी शर्मा ओली नेतृत्वको दल नेकपा एमालेले काठमाडौं महानगरपालिकाबाट आएको १ लाख रुपैयाँको जरिवानाको पत्र अस्वीकार गरेको छ।
महानगरको टोली नेकपा एमालेको पार्टी कार्यालय, च्यासल पुगेपछि उक्त पत्र बुझाउन चाहनु भए पनि कार्यालयमा उपस्थित रहेका एमालेका प्रतिनिधिहरूले पत्र लिने अस्वीकार गरेका थिए।
एमाले केन्द्रीय कार्यालय सचिव भिष्म अधिकारीले उक्त जरिवाना अस्वीकार गर्दै बताएका छन् कि पार्टीले आफूले आयोजना गरेको सभाको स्थललाई आफैं सफा गरिसकेको हुँदा थप जरिवाना तिर्नु पर्ने कुनै आधार छैन।
पत्र नबुझाएपछि महानगरको टोली च्यासलबाट फर्किएको छ।
यसै बीच, शुक्रबार दरबारमार्गमा प्रधानमन्त्री ओलीको अध्यक्षतामा आयोजित सभामा सडक र फुटपाथमा फोहोर फैलिएको भन्ने आरोपमा काठमाडौं महानगरपालिकाले नेकपा एमालेलाई १ लाख रुपैयाँको जरिवाना लगाएको थियो।
महानगरले जनाएको अनुसार, सडकमा जागरण सभा गर्दै जथाभावी फोहर फैलाएको र फोहोरमैला व्यवस्थापनको जिम्मेवारी नपुर्याएको कारण उक्त जरिवाना गरिएको हो। फोहोरमैला व्यवस्थापन ऐन, २०६८ र काठमाडौं महानगरपालिकाको आर्थिक ऐन, २०८१ अनुसार दोस्रो पटक पत्र बुझाउन प्रतिनिधिहरू पौने २ बजे नेकपा एमाले पार्टी कार्यालय पुगेका थिए।