नेपाल अनलाइन पत्रिका। ऊर्जा, जलस्रोत तथा सिँचाइमन्त्री दीपक खड्का र नेपालका लागि चिनियाँ राजदूत चेन सोङबीच सिंहदरबारमा भएको भेटमा नेपाल-चीन सम्बन्धका विभिन्न पक्षबारे छलफल भएको छ।
भेटमा राजदूत सोङले चीनले नेपालको ऊर्जा क्षेत्रको विकासमा सहयोग गर्ने प्रतिबद्धता जनाएका छन् र नेपालका ठूला राजनीतिक दलहरू मिलेर बनाएको वर्तमान सरकारको विकासप्रति आशावादी रहेको बताए। उनले कोरोना महामारीका क्रममा चीनसँग जोडिएका नाका सञ्चालनमा ल्याउन गरेको सहयोगको कदर पनि गरेका छन्।
मन्त्री खड्काले चीनसँगको सीमाना जोडिएका जिल्लाको जनताको जीवनस्तर सुधार्न सहयोगको अपेक्षा राखेको र नेपालले चीनबाट ऋण नभई अनुदान सहयोग चाहेको बताएका छन्। उनले चीनको सामाजिक, आर्थिक, र प्रविधि विकासको उपलब्धिहरूलाई नेपालले अनुसरण गर्न चाहेको समेत उल्लेख गरे।