नेपाल अनलाइन पत्रिका। प्रकाशमान सिंहले उपप्रधान तथा सहरी विकास मन्त्रीको पदभार ग्रहण गरेका छन्। शीतल निवासमा पद तथा गोपनीयताको शपथपछि, उनी शान्तिबाटीमा पुगेर वीर गणेशमान सिंहको सालिकमा माल्यार्पण गरे। त्यसपछि सिंहदरबार पुगेर उनले आफ्नो पदभार सम्हाले।
पदभार ग्रहण गर्दै उनले सहरी विकास मन्त्रालयअन्तर्गतका निकायमा हुने राजनीतिक नियुक्तिसम्बन्धी कार्यविधि र मापदण्डमा अन्य देशको स्थायी बसोबास (पीआर) नलिएको स्वघोषणा गर्नुपर्नेसहितको कानुन परिमार्जनका लागि कानुन मन्त्रालयमा पठाउने सम्बन्धी फाइलमा हस्ताक्षर गरेका छन्।
सिंहले मुलुकलाई स्थायीत्व र समृद्धितर्फ अघि बढाउन वर्तमान सरकार गठन भएको बताउँदै, मन्त्रालयका कामलाई वर्तमान सरकारको लक्ष्य अनुसार अघि बढाउने प्रतिबद्धता व्यक्त गरे।