एमएमएस सेवा प्रदायक स्प्याराे एसएमएसले राष्ट्रिय परीक्षा बोर्डको सहकार्यमा यस वर्ष एसईईको नतिजा एसएमएसमार्फत् हेर्न सहज बनाएको छ। यस सहकार्यले २०८०/२०८१ को माध्यमिक शिक्षा परीक्षा (एसईई)को नतिजा सिधै विद्यार्थीहरूको मोबाइलमा पुर्याउने कम्पनीको भनाई छ।
विगतका दिनमा ग्राहकहरूले एसएलसीको नतिजा हेर्नका लागि लामो लाइनमा पर्खिरहनुपरेको र पत्रिकाहरूमा घन्टौं खोज्नुपर्ने हुन्थ्यो। नतिजाको दिन तनावपूर्ण हुन्थ्यो र चर्को घाम वा भारी वर्षामा पनि निकै प्रतीक्षा गर्नु पर्ने समस्याको समाधानका लागि, स्प्याराे एसएमएसले नतिजा हेर्न प्रविधि शुरू गरेको थियो। स्प्याराे एसएमएसले एसएमएस आधारित प्रविधि प्रस्तुत गरेकै कारण विद्यार्थीहरूले एक साधारण एसएमएस मार्फत तुरुन्तै नतिजा प्राप्त गर्ने सुविधा पाउन सकिने कम्पनीको भनाइ छ।
एसएमएस आधारित नतिजा हेर्ने प्रविधिले विद्यार्थी र उनीहरूका अभिभावकहरूका लागि परीक्षा केन्द्रहरू जानु पर्ने वा जटिल अनलाइन पोर्टलहरू हेर्न आवश्यकतालाई हटाएर प्रक्रियालाई सरल बनाएको स्प्याराे एसएमएसले दाबी गरेको छ।
स्प्याराे एसएमएसका प्रमुख कार्यकारी अधिकृत मनोज थापा भन्छन्, “मोबाइल फोनको व्यापक प्रयोगको फाइदा उठाउँदै यो एसएमएस आधारित नतिजा प्राप्त गर्न प्रविधिले देशका सबै कुनाका विद्यार्थीहरूले उनीहरूको भौगोलिक स्थान वा इन्टरनेट जडानको बाबजुद सजिलैसँग उनीहरूको एसईई नतिजा हेर्न सक्छन् भन्ने कुरा सुनिश्चित गर्दछ।”
एसईईको नतिजा २०८०/२०८१ एसएमएस मार्फत् कसरी हेर्ने?
1. आफ्नो मोबाइल सन्देश बक्समा जानुहोस्।
2. नयाँ सन्देश लेख्नुहोस्।
3. टाइप गर्नुहोस्: SEE [तपाईंको सिम्बोल नम्बर]
4. 35001 मा एसएमएस पठाउनुहोस्।