माइक्रोम्याक्स कम्पनीले नयाँ स्मार्टफोनमा काम गरिरहेको छ। भारतीय स्मार्टफोन ब्रान्डले हालसम्म नयाँ स्मार्टफोनहरूसँग सम्बन्धित कुनै जानकारी साझा गरेको छैन, तर ताजा लीकहरूले खुलासा गरेको छ कि माइक्रोम्याक्सले डिसेम्बरको मध्यमा नयाँ स्मार्टफोनहरू लन्च गर्न सक्छ।

कम्पनीले लामो समयदेखि बजारमा कुनै पनि उपकरण लन्च गरेको छैन। कम्पनीले पछिल्लो पटक जुन महिनामा माइक्रोम्याक्स इन २बी को रूपमा फोन लन्च गरेको थियो, जसमा यूनिसक टी६१० (Unisoc T610) प्रोसेसर, रियर माउन्ट गरिएको फिंगरप्रिन्ट सेन्सर र ५,००० एमएएच ब्याट्री रहेको थियो। यो फोन माइक्रोम्याक्स इन १बी को सक्सेसरको रुपमा आएको थियो।

हालै एक टिपस्टरले नयाँ माइक्रोम्याक्स स्मार्टफोनको आगमनको बारेमा ट्वीट गरेका छन्। टिपस्टरका अनुसार भारतीय स्मार्टफोन ब्राण्डले आफ्नो नयाँ स्मार्टफोन डिसेम्बर १५ मा लन्च गर्ने योजना बनाएको छ।हाल, फोनको नाम र यसको स्पेसिफिकेशनको बारेमा जानकारी स्पष्ट छैन्।

यसअघि माइक्रोम्याक्स कम्पनीले आफ्नो आईएन सिरिजमा माइक्रोम्याक्स इन नोट १ प्रो (Micromax In Note 1 Pro) नामक फोन ल्याउन लागेको खुलासा भएको थियो। यो कथित फोन मोडेल नम्बर ई७७४८ को साथ गीकबेन्च साइटमा देखा पर्‍यो, जसले फोनका केही प्रमुख विशेषताहरू उल्लेख गरेको छ।

यो फोन मिडियाटेक एमटी६७८५ प्रोसेसरसहित आउन सक्छ, जुन मिडियाटेक हेलियो जी९० प्रोसेसर भएको मानिन्छ। यस बाहेक नोट १ प्रो फोनमा माइक्रोम्याक्सले ४ जीबी र्याम र एन्ड्रोइड १० अपरेटिङ सिस्टम पाउनेछ।

गीकबेन्च साइटमा माइक्रोम्याक्स इन नोट १ प्रो फोनको सिंगल-कोर स्कोर ५१९ छ, जबकि मल्टि-कोर स्कोर १६७३ थियो। यसले एन्ड्रोइड ११ मा काम गर्ने बताईएको छ। कम्पनीले यो फोन डिसेम्बरमा लन्च गर्छ कि गर्दैन भन्ने अहिले नै स्पष्ट छैन्। एजेन्सीहरु

The post माइक्रोम्याक्सले डिसेम्बरको मध्यमा भारतमा नयाँ स्मार्टफोन लन्च गर्दै appeared first on Technology Khabar.