९ मंसिर, काठमाडौं । पूर्वप्रधानमन्त्री एवम् नेकपा (एकीकृत समाजवादी) पार्टीका नेता झलनाथ खनाल र भारतीय कम्युनिष्ट पार्टी (भाकपा) मार्क्सवादीका पोलिटव्युरो सदस्य जोगेन्द्र शर्माबीच भेटवार्ता भएको छ ।

एकीकृत समाजवादीको विदेश विभाग प्रमुखसमेत रहेका खनाल र शर्माबीच बुधबार नयाँबानेश्वरको एभरेष्ट होटेलमा भेटवार्ता भएको हो ।

करिब दुई घण्टा लामो भेटघाटमा समसामयिक राजनीति, दुई देशबीचको आपसी सम्बन्ध, दुई पार्टीबीच आगामी दिनमा हुने मैत्रीपूर्ण सहयोग आदिबारे छलफल भएको विदेश विभाग सचिव डा.शंकर खतिवडाले जानकारी दिए ।

भेटमा नेकपा (एकीकृत समाजवादी) पार्टीका विदेश विभागका सदस्यहरुको समेत उपस्थिति रहेको थियो ।