सुर्खेत । नेपाली कांग्रेस सुर्खेतका जिल्ला सभापति कमलराज रेग्मी महाधिवेशन प्रतिनिधिमा पराजित भएका छन् । संस्थापन इतर पक्षका रेग्मी खुल्ला तर्फको महाधिवेशन प्रतिनिधिमा पराजित भएका हुन् ।

३ सय २० मत ल्याएका उनी १२ औं स्थानमा रहे । सुर्खेतको क्षेत्र नम्बर २ बाट जिल्ला सभापति रेग्मी पराजित हुँदा उपेन्द्रबहादुर थापा, कलमबहादुर खत्री, कालीप्रसाद शाक्य, टोपबहादुर रावत, नारायणप्रसाद सापकोटा, तिर्थजंग शाही, निरञ्जन केसी, यज्ञबहादुर बुढा क्षेत्री, विष्णुबहादुर खड्का र श्यामकुमार भारती महाधिवेशन प्रतिनिधिमा विजयी भएका छन् ।